арсны амтны дөрвөн төрөл бий. Нэг литр дарсанд агуулагдаж буй чихэрлэгийн хэмжээгээр тодорхойлогддог.
Дарсны амт ямар усан үзмээр хийгдэж байгаагаас шалтгаална. Жишээ нь мерло усан үзмээр хуурай, хагас хуурай амттай дарс л хийдэг. Харин каберне совинеон гэж усан үзмээр хуурай дарс л хийнэ. Хуурай дарсны гол төлөөлөл болох каберне совинеоныг мэргэжилтнүүд эрэгтэй хүнээр төлөөлүүлж “Хүчирхэг” гэж тодорхойлсон байдаг. Хуурай дарсыг удаан хадгалж болдог онцлогтой. Харин Мерло усан үзэм илүү зөөлөн, чихэрлэг тул эмэгтэй хүний зан аашаар тодорхойлдог. Онцлог нь энэ усан үзмээр энгийнээс дэлхийн хамгийн үнэтэй дарсыг ч хийж болдог.
Зурагтын дэлгэцнээ дарс шимэн суух бүсгүй, залууг бид шимтэн харж, эрхгүй татагддаг. Тэдний хэрэглээ нь соёлтой, тансаг байгааг гайхан ярьдаг ч яагаад бид өөрсдийн амьдралдаа хэрэгжүүлж болохгүй билээ.
Амьдралдаа хэрэгжүүлж зөвхөн гадаад үзэмж, хэрэглээгээрээ бусдаас ялгараад зогсохгүй эрүүл мэнддээ ч сайнаар нөлөөлөх боломж хэн бүхэнд бий. Учир нь дарсны үнэ тун боломжийноос эхлээд өндөр хүртлээ олон янз байдаг гэдгийг та бүхэн надаар хэлүүлэлтгүй мэдэх биз ээ. Сонголтын талаар хүмүүс хэрхэн ярьсныг хүргэе.
Солонгоо:
– Би найз охинтойгоо хамт сууж байтал хоёр аятайхан залуу танилцахыг хүссэн юм. Тэдний саналыг хүлээн авч бид уух юм захиалах болов. Тун ч даруухан байрын, дэгжин хувцасласан залуусыг хараад балмагдаж сандарсан. Бор пиджактай залуу нь над руу дулаахан инээмсэглэл хааяахан шидэж бүр ч ичээж байлаа. Тэр үед зөөгч ирж биднээс юу захиалахыг асуусан юм. Гэтэл хамт сууж байсан найз маань “дарс авъя” гэж зөөлөн хэлэхэд яагаад ч юм бэ хамт ширээнд суусан залуучууд бүү хэл миний чихэнд ч сонсголонтой санагдсан. Тэгээд найз маань дарсныхаа нэрийг хэлж, хүссэн оных нь дарс байгаа эсэхийг лавласан юм. Мэдээж тэр уулзалтад хамгийн том оноо авсан үйл явдал тэр байлаа. Би дотроо ямар азаар би түрүүлээд захиалгаа хэлчихээгүй юм бэ гэж залбирсан шүү. Түүнээс хойш би дарсны талаар мэдлэгтэй болох хэрэгтэйгээ маш сайн ойлгосон доо.
Гүрээ:
– Хөлбөмбөгийн дэлхийн аваргын тоглолт үзэх үеэр би дарс ямар хэрэгтэй ундаа болохыг мэдэж авсан юм. Шар айраг уухаар ойр ойрхон бие засах хэрэгтэй болж байлаа. Яг тэр хооронд тэгэхээс тэгэх гэсэн юм шиг л тоглолтын торгон агшнуудыг алдаж, гоол орсон байдаг байв. Гэтэл хамт сууж байсан найз маань огт гардаггүй. Тэгсэн атлаа хөгжилтэй, цэнгэлтэй. Гайхаад “чи юу уугаад байна” гэтэл харин “дарс” гэж хариулдаг байгаа. Нээрээ л дарс гэдэг үдшийг хөгжилтэй өнгөрүүлнэ, бас ойр ойрхон эвгүй байдалд оруулахгүй ундаа билээ.
Отгоноо:
– Дарс гэхээр би жигтэйхэн баян хүмүүсийн тансаг хэрэглээ гэж боддог байлаа. Гэхдээ энэ ярилцлагыг уншсанаас хойш дэмий зүйлд санаа зовохоо больсон. Дарс энгийн хэрэглээ, тэр дундаа үнэ нь хүртэл үнэхээр боломжийн байдаг юм билээ. Өмнө нь дарсны талаарх буруу мэдээлэлтэй байсан болохоор дэлгүүрт орохоороо дарсны хэсгийг сонирхож ч хардаггүй байсан. Харин одоо бол ямар усан үзмээр хийсэн дарс байна, хэдэн оных вэ гэдгийг нь заавал харж сонголтоо хийдэг болсон шүү.
Тэд ийнхүү ярьж байна. Харин таны сонголт юу вэ?
Бэлтгэсэн: World Wine