ХСҮТ-ийн Хөхний төвийн эрхлэгч, эмч
Хөхний хорт хавдрын 30 хүрэхгүй хувь нь л бидний хамгийн гол гэж бодоод байгаа удамшил, генийн өөрчлөлт зэрэг үнэмлэхүй болон амьдрахуйн эрсдлүүд байдаг. Гэтэл 70 гаруй хувь нь харьцангуй эрсдэл буюу хүний амьдралын хэв маяг, дадал зуршлаас үүдэлтэй байдаг. Архи, тамхи, биеийн жингийн илүүдэл гурав хөхний хавдрын эрсдлийг нэмэгдүүлж байгаа тэргүүлэх шалтгаанууд. Монгол Улсад жилд 250-300 хөхний хорт хавдрын өвчлөл оношлогдож байгаа. Үүнээс 56 хувь нь хожуу үедээ оношлогдож байна. Гэтэл эрт оношлогдох тусмаа эмчлэгдэх боломж нь 95-аас дээш хувь байдаг. 2 жил тутамд заавал үзлэгт хамрагдах хэрэгтэй байна.