Монгол бадарчин
Бат овогтой Ж. Золбаяр нь 1979 оны 6-р сарын 28-нд Улаанбаатар хотноо төрсөн. Тэрээр 8 настайдаа гэр бүлийн хамт ЗХУ-ын Эрхүү хот руу нүүн, 5 жил амьдарсан ба хоёр өөр соёл иргэншлийн хоорондын ялгааг мэдэрч, хүн төрөлхтний хамгийн эртний соёл иргэншил болох нүүдэлчдийн ертөнцийг үзэх үзэл, амьдралыг мэдрэх мэдрэмж нь суурин, слав хүмүүсээс өөр болохыг ойлгосон байна.
Амай 2005 онд олон жил мөрөөдсөн дэлхийг тойрох аялалд гарахаар шийдэн, 11-р сарын 4-ний өдөр үүргэвчээ үүрэн Араб, Африк, Төв Азийн орнуудыг зорьсон юм.
Амьдралын ухаан, хөгжлийн нууцыг 4 жил 6 сарын хугацаанд хайж, 69 улсаар бадарчилан аялсан. Аяллаа түр зогсоож, амарч байхдаа ертөнцийн тухай бичих 9 боть номынхоо их ажилд шамдан орж, эхний хоёр ботийг олон нийтэд хүргэсэн бөгөөд хоёрдугаар аяныг хэрхэн хэрэгжүүлэх төлөвлөгөөгөө боловсруулсан.