МУ дахь НҮБ-ын хүүхдийн сангийн суурин төлөөлөгч
Мохамед Малик Фолл 1958 онд Сенегал Улсад төрсөн. 1984 онд Дакарын их сургуулийг түүхийн ухааны бакалавр зэрэгтэй, 1986 онд Францын Парисын их сургуулийг хүн ам зүйн магистр зэрэгтэй төгссөн.
Мохамед Фолл 1989-1993 онд Франц улс дахь НҮБ-ын Боловсрол, шинжлэх ухаан, соёлын байгууллагын залуучууд, хүн ам, хөгжлийн хөтөлбөрүүд дээр сайн дурын ажилтанаас зөвлөх хүртэл ажиллаж байгаад 1993 онд Сенегал улсын Дакар хот дахь НҮБ-ын Хүүхдийн сангийн Суурин төлөөлөгчийн газарт Харилцаа, нийгмийн зохицуулах газрын зөвлөх мөн Боловсролын хөтөлбөр хариуцсан мэргэжилтэнээр тус тус ажиллаж байсан.
Түүнчлэн Афганистаны Кабул, Конго улсын Киншаса, Индонезийн Банда Аче хотууд дахь НҮБ-ын Хүүхдийн сангийн Суурин төлөөлөгчийн газарт Боловсролын асуудал эрхлэн тус тус ажилласан. 2007-2010 онд Индонез улсын Жакарта хот дахь Хүүхдийн сангийн Суурин төлөөлөгчийн газарт Боловсрол, өсвөр насны хөгжлийг хариуцсан дарга, 2012 онд Гаити улсын Порт-о-Принс хот дахь НҮБ-ын Хүүхдийн сангийн Суурин төлөөлөгчийн газарт боловсролын асуудал эрхэлсэн ахлах зөвлөхөөр ажиллаж байгаад 2012 оны 10-р сард Монгол улс дахь НҮБ-ын Хүүхдийн сангийн суурин төлөөлөгчөөр томилогдон ажиллаж байна.