Азийн хөгжлийн банкны Монгол дахь суурин төлөөлөгч
Роберт Шоэллхаммэр Зүүн Англиагийн их сургуулиас Хөгжлийн эдийн засгийн бакалавр, Абирдийний их сургуулийн Хөдөө аж ажуйн магистрийн зэрэг тус тус хүртсэн. 1992-1994 онуудад Шоэллхаммэр одооны Удирдлагын Академид Англи хэл, эдийн засгийн багшаар ажиллаж байсан ба энэ хугацаандаа Монголын хамгийн анхны бизнесийн магистрийн ангийг байгуулж, 1992 онд орон нутаг дахь ядуурлын тухай томоохон судалгааг хийсэн.
Роберт 1995-1997 онуудад Украины засгийн газар, Батлан хамгаалах яамны Европын коммисийн зөвлөх, 1997-2000 онуудад Африкийн хөгжлийн банканд боловсролын салбар хариуцсан эдийн засагчаар ажиллан, 2000 онд Азийн хөгжлийн банкний Зүүн, Төв Ази хариуцсан хэлтэст Төслийн эдийн засагчаар ажиллаж эхэлсэн.
2003 оноос түүнийг Стратеги, Бодлого боловсруулах хэлтэст томилсон ба энэ хугацаанд Шоэллхаммэр АХБ-ны ерөнхийлөгчийн удирдлага доор банкны Ази, Номхон далайн бүсийн үйл ажиллагааны бизнес төлөвлөгөөг удирдаж байсан.
Тэрээр 2007 оноос АХБ-ны Хойд Америкийн суурийн төлөөлөгчийн газрын дэд захирлаар, 2011 оноос Азийн хөгжлийн банкны Монгол дахь суурин төлөөлөгчөөр томилогдон ажиллаж байна.