Монос групп-ын ерөнхийлөгч
Монос Группийн Ерөнхийлөгч, ТУЗ-ын дарга Л.Хүрэлбаатар Монгол улсын төрийн соёрхолт. Л.Хүрэлбаатар нь 1970 онд, ЗХУ /хуучин нэрээр/ Пятигорск хотын эм зүйн дээд сургуулийг эм зүйч мэргэжлээр төгсөөд эм хангамжийн салбарт өөрийн мэргэжлээрээ ажиллаж байгаад, 1990 онд анхны хувийн эм, гоо сайхны “Монос” жижиг үйлдвэрийг үүсгэн байгуулсан.
Монгол улс зах зээлийн эдийн засагт шилжих хүнд жилүүдэд өөрийн хүсэл тэмүүлэлдээ хөтлөгдөн эм, гоо сайхны жижиг үйлдвэр болон эмийн сан байгуулснаар, өнөөгийн эмийн төдийгүй, эрүүл мэндийн салбарт нэр хүндтэй компанийн эхлэлийг тавьсан. Төр засаг түүний эм зүйн салбарын хөгжилд оруулсан хувь нэмэр, бүтээлийг үнэлэн, Монгол Улсын Төрийн шагналыг хүртээсэн.
2004 онд Уламжлалт анагаах ухааны эмнэл зүй, эм зүйн зарим асуудлууд сэдвээр Европын Холбооны Мэдээллийн Академийн эрдмийн зөвлөлөөс эм зүйн ухааны доктор цол, Европын Холбооны Мэдээллийн Академи, Аттестатын Дээд Хорооноос профессор цол хүртсэн.