Эдийн засагч, НҮБ-ын нарийн бичгийн дарга нарын газар
Батболд нь 1974 онд Говь-Алтай аймагт ахлах сургуулиа төгсөн, 1979 онд Киевийн Их Сургуулийг олон улсын хуульчийн мэргэжлээр төгссөн.
1996 онд Мэрилэндийн Их Сургуулиас (АНУ) эдийн засгийн магистр, 2005 онд Манчестэр Их Сургуулиас (Их Британи) хөгжлийн эдийн засгийн докторын зэрэг тус тус хүртсэн.
Тэрээр 1979-1990 онуудад Ардын Их Хурлын Тэргүүлэгчдийн газарт дотоод харилцаа, холбоо хариуцсан ажилтан, 1990-1993 онуудад Удирдлагын Хөгжлийн Институцид судлаач, зах зээлийн эдийн засгийн багш, 1996-1998 онууд УИХ гишүүн Энхсайханы эдийн засгийн зөвлөхөөр ажиллаж байсан.
Батболд 1998 оноос Нью Йорк дахь НҮБ-ын Нарийн бичгийн дарга нарын газарт эдийн засгийн асуудал хариуцсан ажилтнаар ажиллаж байгаа. Одоогоор Бүтээн байгуулалт санхүүжүүлэх хэлтэст байгалийн баялаг ашиглан хөгжих, байгалийн баялгын менежмент зэрэг асуудал хариуцан ажиллаж байна.