Квийнслэндийн их сургууль-ийн профессор
Дэвид Брэрэтон Мэлбурны их сургуульд бакалавр, Стэнфордын их сургуульд Улс Төрийн Ухааны докторын зэрэг хамгаалсан.
Тэрээр 25 гаруй жилийн турш байгууллагын журам, үйл ажиллагааг сайжруулах, нийгмийн ухааны хэрэглээ талаар судалж, засгийн газар, их сургуулиудын олон тооны судалгаа, шинжилгээг удирдаж байсан.
Тэрээр Ла Троби их сургуульд хууль зүйн, Мэлбурны их сургууль, Монаш их сургуулиудад улс төрийн ухааны хичээлүүд зааж байсан. Мөн Викториа мужийн хууль зүйн шинэтгэлийн комиссийн ахлах зөвлөхөөр, Квийнслэндийн эрүүгийн хэргийн комисст Судалгаа, Урьдчилан Сэргийлэх газрын захирлаар тус тус ажилласан. Энэ хугацаанд тэрээр 60 гаруй судалгаа, төсөл, тайлан боловсруулалтанд оролцсон.
Профессор Брэрэтон Квийнслэндийн их сургуулийн харъяа Уул Уурхай дахь Нийгмийн Хариуцлагын Төвийг 2001 оны сүүлээр байгуулсан нь улмаар уул уурхайн салбарт тулгамдаад буй нийгмийн сорилтуудыг судалдаг дэлхийд тэргүүлэгч судалгааны байгууллагуудын нэг болсон. Тэрээр 2012 оноос Ашигт Малтмал дээр суурилсан тогтвортой хөгжлийн төвийн судалгааны интеграц хариуцсан дэд захирлаар ажиллаж байна.