Нүүр амны их эмч, ЭМШУИС дэд захирал
Нүүр амны их эмч Б.Амарсайхан нь Куб улсын Гаваны анагаахын их сургуулийн шүдний сургуулиас бакалавр, Япон улсын Токиогийн анагаахын болон шүдний их сургуулиас докторын зэрэг хүртсэн.
Тэрээр мэргэжлийн гараагаа 1991 онд АУИС-ийн Нүүр, ам судлалын сургуулийн гажиг заслын тэнхмийн багшаар эхэлсэн бөгөөд түүнээс хойш тэнхмийн ахлах багш, ЭМШУИС-ийн Магистрантур, докторантын албаны дарга, Нүүр, ам судлалын сургуулийн захирлаар тус тус ажиллаж байсан. 2003 оноос хойш ЭМЯ-ны Нүүр амны салбар зөвлөлийн даргын, 2009 оноос МУ-н Ерөнхийлөгчийн эрүүл мэндийн зөвлөлийн гишүүний тушаалыг одоог хүртэл хашиж байгаа. 2013 оноос эхлэн ЭМШУИС-ийн Эрдэм шинжилгээ, гадаад харилцааны асуудал эрхэлсэн дэд захирлаар ажиллаж байна.
Амарсайхан нь 2010-2012 онуудад Азийн шүдний академийн ерөнхийлөгч, 2012 оноос Монголын шүдний мэргэжилтнүүдийн холбооны ерөнхийлөгчөөр сонгогдож байсан. Тэрээр сайн дурын ажилд тогтмол оролцдог. 2002 оноос хойш олон тооны шорон, асрамжийн газрууд болон ядуу буурай дүүргийн 10000 гаруй хүүхэд, насанд хүрэгчдэд шүдний эмчилгээний тусламж, үйлчилгээ үзүүлсэн.