МУ-ын ерөнхийлөгч

Ц.Элбэгдорж нь 1963 оны 03 дугаар сарын 30-нд Ховд аймгийн Зэрэг суманд төрсөн. Гэр бүлтэй, Таван хүүхэдтэй.

Ц.Элбэгдорж нь 1979 онд Ховд аймгийн Зэрэг сумын 8 жилийн сургууль, 1981 онд Эрдэнэт хотын 1-р арван жилийн сургууль, 1988 онд Украйны Львовын ЦУТДСургууль, 2002 онд АНУ-ын Харвардын Их Сургуулийг тус тус төгсч, сэтгүүлчийн бакалавр, Төрийн удирдлагын мастер зэргийг хамгаалсан. Англи, орос хэлтэй. Ц.Элбэгдорж нь дараахь ажил алба, сонгуульт ажлуудыг эрхэлсэн байна:

1981-1982 онуудад “Эрдэнэт” үйлдвэрт засварчин, машинист

1982-1983 онуудад Ардын армид байлдагч, түрүүч, ХЗЭ-ийн үүрийн дарга

1988-1990 онуудад “Улаан-Од” сонинд сурвалжлагч, Армийн утга зохиолын нэгдлийн эрхлэгч

1989-1991 онуудад МоАХ-ны тэргүүлэгч 1990 онд “Ардчилал” сонины эрхлэгч

1990-1992 онуудад АИХ-ын депутат, УБХ-ын гишүүн 1991 онд Монголын Ардын Аж Ахуйтны холбооны тэргүүн

1992-1994 онуудад Монгол Улсын Их Хурлын гишүүн

1992 оноос “Залуу удирдагч” сангийн удирдлагын зөвлөлийн байнгын гишүүн

1993 оноос Улс төрийн боловсролын академийн захиралын зөвлөлийн гишүүн

1994-1996 онуудад МҮАН-ын Ерөнхий зөвлөлийн гишүүн

1994-1996 онуудад Үндэсний аюулгүй байдлын зөвлөлийн шинжээч

1996-1999 онуудад МҮАН-ын дарга

1996-2000 онуудад УИХ дахь “МҮАН-МСДН-ын Ардчилсан Холбоо” Эвслийн дарга

1996-1998 онуудад УИХ-ын дэд дарга, Цагаатгах ажлыг удирдан зохион байгуулах улсын комиссын дарга

1996-2000 онуудад УИХ-ын гишүүн, Монголын парламентын бүлгэмийн гүйцэтгэх хорооны дарга

1998 онд Монгол Улсын Ерөнхий сайд, Ерөнхий сайдын үүрэг гүйцэтгэгч

2000 оноос “Эрх Чөлөө төв”-ийг үүсгэн байгуулагч, хүндэт ерөнхийлөгч. “Либерти”, Америк сургууль, “Азийн санаачилга” институт, Уран зургийн академи, “Эрх чөлөө” сэтгүүл, “Philanthropy”, “Элбэг тав”, “Болор” сан”-гийн үүсгэн байгуулагч.

2003 оноос МоАХ болон “Залуу удирдагч” сангийн Хүндэт Ерөнхийлөгч.

2004-2006 онуудад Монгол Улсын Ерөнхий сайд

2005-2008 онуудад Ардчилсан Намын дарга ( 2008 онд УИХ-ын гишүүн.

2009 оноос Монгол Улсын Ерөнхийлөгчөөр ажиллаж байна.