Зүүн Ази бүсийн ерөнхийлөгч, олон улсын тусгай олимпийн хороо
Мэри Гү Шухан нь 2011 оноос Олон Улсын Тусгай Олимпийн Хорооны Зүүн Азийн бүс нутаг хариуцсан ерөнхийлөгч, гүйцэтгэх захирлаар ажиллаж байна. 2008-2011 онд Дэлхийн Экспогийн Шанхайн Павилионы захирлаар ажилласан ба 2.3 сая хүн үзсэн уг павилионий бүтээлч шийдэл нь олон улсын нэр хүндтэй шагналуудыг хүртсэн юм. Тэрээр 2007 оны Зуны Тусгай Олимпийн Гүйцэтгэх Хорооны Дэд Ерөнхийлөгч, Олон Нийттэй Харилцах Албаны Захирал, 2007 оны Зуны Тусгай Олимпийн Чиглүүлэх Хорооны Арга Хэмжээ Зохион Байгуулах албаны орлогч захирал, 2007 оны Зуны Тусгай Олимпийн Нээлтийн үйл ажиллагааг зохион байгуулах багийн ерөнхийлөгчөөр тус тус ажиллаж байсан байна. Энэ хугацаанд Мэри Гү 2 багийг амжилттайгаар удирдан, нээлтийн үйл ажиллагааг зохион байгуулах хандив цуглуулсан бөгөөд Тусгай Олимпийн түүхэнд анх удаа нээлтийн ёслол Хятадын 5 телевиз болон олон улсын өөр сувгуудаар шууд цацагдсан. 2005 онд Мэри Гү хэсэг хөрөнгө оруулагчдыг нэгтгэн, Шанхай Голден Гранд Прикс компанийг байгуулсан нь Олон Улсын Хөнгөн Атлетикийн Хорооны дээд шатны арга хэмжээнүүдийг хариуцан ажилладаг. Улмаар энэ нь Шанхайн Даймонд Лиг буюу Хятадын спортын нүүр царай бүхий арга хэмжээ болтлоо хөгжсөн. Мэри Гү өмнө нь олон улсад нэр хүндтэй тансаг зочид буудлуудын удирдах албан тушаалд ажиллаж байсан. 2007 онд Шанхайн Олон Нийттэй Харилцах Холбоо Мэри Гүг хамгийн амжилттайгаар Олон Нийттэй харилцах ажлыг гүйцэтгэсэн ажилтнаар тодруулсан. 2008 онд Францын Элле сэтгүүл түүнийг Хятадын хамгийн нөлөө бүхий 20 эмэгтэйн нэгээр шалгаруулсан.