Канад улсын амбан захирагч
Де Факто нэвтрүүлэгт Канад улсын Амбан захирагч, эрхэмсэг ноён Дэвид Жонстон оролцлоо. Дэвид Жонстон нь мэргэжлийн гараагаа 1966 онд Квинсийн Их Сургуулийн Хууль Зүйн факультетэд Ассистэнт профессороор эхлэн, 1966 онд Торонтогийн Их Сургуулийн Хууль Зүйн факультет руу шилжсэн. 1974 оноос Вэстерн Онтариогийн Их Сургуулийн Хууль Зүйн факультетийн декан, 1979 оноос МакГилл Их Сургуулийг удирдан, дэд захирлын үүргийг гүйцэтгэж байгаад 1994 онд МакГиллийн Хууль Зүйн факультетэд эргэж очин, хууль зүйн профессороор ажиллах болжээ. Тэрээр 1999 онд Ватерлоогийн Их Сургуулийн 5 дахь ерөнхийлөгчөөр томилогдон ажилласан. Түүнийг Харвардын Их Сургуулийн гадаад ажилладаг багш нарын зөвлөлийг удирдсан анхны гадаад хүн гэж онцолдог. Дэвид Жонстон төрийн, орон нутгийн олон олон ажлын хэсэг, хороодод зүтгэж байсан төдийгүй багагүй тооны хувийн хэвшлийн удирдах зөвлөлд багтаж байжээ. Түүний зохиосон болон хамтран бичсэн 20 гаруй ном хэвлэгдэн гарсан. Өдгөө 10 гаруй их сургуулийн хүндэт доктор, Канадын төрийн дээд одон болон Канадын Одонгоор шагнуулсан төрийн хүн билээ. Ноён Жонстон 1966 онд Квинсийн Их Сургуулийн Хуулийн диплом, 1965 онд Кэмбриджийн Их Сургуулийн Хуулийн диплом, 1963 онд Харвардын Их Сургуулийн баклаврын эрдмийн зэрэг хамгаалсан. Тэрээр Харвардад суралцаж байх хугацаанд Бүх-Америкийн Хоккейн шигшээ багт 2 удаа багтаж, Харвардын Спортын алдар хүндийн танхимд нэрээ мөнхөлсөн. Тэрээр 5 охин, 10 ач хүүхэдтэй.